Силно критикуван од Европа за поддршката на Русите, претседателот на Белорусија Александар Лукашенко беше снимен на банкет во друштво, но и во една многу невообичаена ситуација.
Имено, пријателите на Лукашенко седат околу масата, масата „крцка“ од најразлични јадења, а среде масата, поточно врз масата – среде купот од специјалитети, си седи кучето на белорускиот претседател опкружено со линии со храна.
Но, ете, тоа не е билокое и билочие куче и затоа може да си дозволи да остане на поставената маса.
Многу критикуваниот претседател на Белорусија, Александар Лукашенко, кој ги поддржа маневрите на Владимир Путин во Украина, резервира почесно место за својот четириножен пријател. Така, за време на банкетот, кучето не остана незабележано и го прослави почетокот на жетвата заедно со сите други гости.
