Емануел Макрон „размислува“ за создавање на „влада на национално единство“ за да најде „начини за излез од политичката ситуација“ по дебаклот што се случи на парламентарните избори.
Макрон „ме праша дали сме подготвени да работиме во влада на национално единство“, објасни шефот на Комунистичката партија Фабиен Русел, и дали оваа иницијатива „е решение за излез на земјата од кризата“, пренесува анса. „Тој размислува за конституирање на влада на национален сојуз – рече Русел, по консултациите на тема дали ќе сакаат партиите да учествуваат“, додава тој.
Во текот на вчерашниот ден сојузниците на Макрон побарале од шефот на државата да формира „голема коалиција“, вклучувајќи го и поранешниот премиер Едуар Филип – лидер на партијата Хоризонти – кој е дел од силите кои ја поддржуваат извршната власт.
По гласањето во недела, Франција се соочува со превирања во парламентот, откако претседателот се најде со кревко мнозинство – факт кој според многу коментатори е редок во францускиот полупретседателски систем, каде што културата на компромис со другите политички сили е поретка отколку во парламентарните демократии како што се Италија или Германија.
Трансалпскиот ветер што дува кон „широките разбирања“ влијае на целата европска оска и анти-Путин стратегиите спроведени во ЕУ: Макрон без апсолутно мнозинство во Националното собрание, италијанскиот премиер Драги се бори со поделбата на партијата на релативно мнозинство во Парламентот, а во Германија Шолц – на чело на проблематичната и често поделена коалиција. И ова е случува точно една недела по мисијата во Киев на тројцата лидери на Франција, Италија и Германија – трите големи економски сили на Унијата – кои од денеска ќе се претстават на Европскиот совет во Брисел, со покревка парламентарна поддршка, само бидејќи Унијата исто така бара заеднички став за одговорите на зголемените цени на енергијата и храната и рекордната инфлација.
