Професорката по солфеж и инфлуенсерка Калтрина Круезиу изминатите денови престојуваше во Трпејца, каде што помина семеен одмор со својот син Уран и најблиските.
На социјалните мрежи таа објави фотографии и видеа од престојот, покажувајќи дел од моментите поминати покрај Охридското Езеро. Најголемо внимание привлече снимката на која со синот уживаат на суп-даска, додека заедно го истражуваат езерото.
Круезиу сподели и емотивна порака посветена на Уран, нарекувајќи го својата најголема љубов, а во објавите се појавија и нејзините внуки, кои исто така биле дел од семејниот викенд.
Освен семејните моменти, Калтрина преку фотографиите ја долови и убавината на Трпејца. Таа објави кадри од тесните улички, традиционалната архитектура и погледите кон Охридското Езеро, уште еднаш истакнувајќи ја привлечноста на ова туристичко место, кое со години важи за едно од најживописните во Македонија.
View this post on Instagram
Слободното време го искористи и за релаксација на плажа, сончање и читање книга, а не ги пропушти ниту зајдисонцата по кои Трпејца е особено препознатлива во летниот период. Објавите на Круезиу добија бројни позитивни реакции од нејзините следбеници, кои ги пофалија природните убавини на охридскиот крај, како и семејната атмосфера што ја сподели.
