Инфлуенсерот Бретман Рок е првиот геј маж кој се појави на насловната страница на списанието „Плејбој“.
Списанието на својот официјален инстаграм-профил објави како изгледа најновата дигитална насловна страница со Бретман.
Инфлуенсерот позира во корсет, хулахопки и чевли со високи потпетици. Тој исто така носи црна машничка, бели манжетни и „зајачки“ уши и опашка во стилот на естетиката на ова списание.
View this post on Instagram
„Ова е историски момент“, „Би го ставил ова во рамка“, „Ова е предобро“, „Многу сум среќен за ова“, „Една од најсекси нештата што ги видов денес“, „Ова е победа за нас“, „Апсолутно те поддржувам“, „Ги смени правилата и го отвори патот за многу други“, беа само дел од коментарите од следбениците на Бретман под објавата.
Но, имаше и такви кои очигледно не се воодушевени од неговиот изглед и генерално од новата насловна страница на популарното списание.
View this post on Instagram
„Каде отиде овој свет…“, „Зошто мажите проклето сакаат да бидат жени?“, „Хју Хефнер се превртува в гроб“, „Што е ова?“, „Последниот пат кога проверив, „Плејбој“ беше за хетеросексуални мажи. Лоша одлука“, се само некои од негативните коментари.
Инаку, Бретман стана познат по своите видеа за шминкање. Има повеќе од 17 милиони следбеници на „Инстаграм“, а „Тајм“ во 2017 година го прогласи за еден од 30-те највлијателни тинејџери. Пред две години, тој беше на насловната страница на списанието „Геј Тајмс“.
View this post on Instagram
Бретман, исто така, лансираше и своја линија за убавина и имаше свое шоу на „Ем-Ти-Ви“. Покрај тоа, Рок стана и активист за ЛГБТИ заедницата.
View this post on Instagram
Тој е третиот човек кој сам се појавува на насловната страница на „Плејбој“. Пред него, се појави само основачот на списанието, Хју Хефнер во 2017 година, што беше еден вид чест по неговата смрт. Музичарот Бeд Бани минатата година се појави на дигиталната насловна страница на Плејбој.
