Ивона Јо имала големи здравствени проблеми пред операцијата на желудникот, за кои пејачката сосема искрено проговори.
Во поткастот „Естраден лексикон“ со Марио Арангеловски, тој ја праша како реагира на коментарите: „Еве ја, направи операција и пак е дебела“, на што пејачката одговори:
– Решив да не отворам коментари кои мене нема да ми служат, и тоа ми е школа“.
Потоа водителот ја праша:
– Се сликаш со 150 килограми и викаш: „Сакајте се себеси какви што сте“. Се сликаш по два месеца со 80 килограми. Дали си мирна со тие коментари денес, а како ти било тогаш? Затоа што јас знам дека не ти било сеедно.
– Во тој момент многу ме болеше и од овој аспект сум благодарна што ме болело затоа што таквите моменти најчесто знаа да помогнат да освестиш други сегменти кај себе. Од овој аспект сум пресреќна затоа што навистина можам да кажам дека не отворам.
Како сум реагирала порано? Многу болело, и со некои последици сѐ уште се соочувам. Тоа е моја одлука. Јас одлучив гласно да зборувам: „Сакај се себеси, еј ти жено, еј ти девојко“.
Тоа е моја одлука, и јас го носев тоа дури можев да го носам. Јас таа операција да не ја направев, ќе бев на многу тешки таблети. Кога дојдоа кај мене со ласерот за вадење на желудникот ми рекоа дека сум пред шеќер, пред таблети за маснотија, пред сѐ.
Сега моментално сум во тотално здравје, со претходно еден циклус годишно, сега имам 12 циклуси, без полицистични јајчници, без шеќер.
Како сега тоа изгледа на камера, тоа е веќе работа на тренер, моја работа. Знам која сум и што сум, конечно по 23 години – рече Ивона Јо.
