Холивудската актерка и бизнисменка Гвинет Палтроу на својот Инстаграм профил објави фотографија со својот син Мозес.
Гвинет Палтроу сподели нова фотографија со нејзиниот син на неговиот 17-ти роденден. На фотографијата 50-годишната актерка позира без шминка, гушкајќи го својот син, кого го доби од врската со фронтменот на Coldplay, Крис Мартин.
„Честитки за 17. роденден на момчето кое ми ја исполнува душата секогаш кога ќе го погледнам. Мозес Мартин – ти си најисклучителната, најдрага, најдобрата личност. Сите нè смееш и не инспирираш со твојата хармонија. Те сакам повеќе отколку што можеш да замислиш! Со љубов, мама“, се потпишала актерката на празничната објава.
Во коментарите, фановите на ѕвездата на „Одмаздници“ забележаа како 17-годишниот Мозес личи на својот татко.
„Неверојатно слично со Крис Мартин! Среќен роденден Мозес!“, „Кога ќе го погледнете Мозес, веднаш знаете кој му е татко“, „Вистинска копија на Крис Мартин“, напишаа корисниците во коментарите.
