Хрватскиот пејач Тони Цетински неодамна беше во центарот на медиумското внимание поради откажување на концертот во Нови Сад, но приватниот живот на пејачот долго време буди големо интересирање кај јавноста.
Тони има син, Кристијан, од првиот брак со Антонела Бутиган, и ќерка Пија од бракот со Ивана Нобило Цетински. Кристијан денес има 28 години и веќе повеќе од една деценија живее во Германија, далеку од медиумската светлина која го следи неговиот славен татко.
Во Германија, Кристијан ја изградил својата сопствена фамилија – оженет е за Нина, Германка, а во 2021 година станаа родители на девојчето Елена, со што Тони стана горд дедо. Пејачот еднаш изјави дека тоа е „најубавата работа што му се случила во ова лудо време“ и дека е горд на зрелоста и одговорноста на својот син, кој стана татко на 23 години.
Иако одраснал покрај музика, Кристијан избрал сосема поинаков професионален пат. Неговата страст е технологијата и инженерството. Според податоците од LinkedIn, студирал мехатроника во Берлин, а денес работи како компјутерски инженер во угледна германска компанија.
Пред околу една година, тој се пофали со дипломата на социјалните мрежи, објавувајќи фотографија со емотивна порака за заедничките напори, поддршката од колегите и пријателствата кои ги стекнал за време на студиите. „Ова не е само мое достигнување, туку доказ за неверојатната заедница која беше дел од ова патување“, напиша Кристијан.
Токму таа фотографија предизвика лавина коментари за неверојатната сличност со татко му, Тони Цетински, но покажува дека Кристијан успешно го гради својот живот и кариера далеку од јавноста.
