Американската актерка Ева Лонгорија, најмногу позната по улогата на Габриел Солис во ТВ серијата „Очајни домаќинки“, објави фотографија во костим за капење, позирајќи на јахта. Фотографиите таа ги сподели на социјалните мрежи.
47-годишната Ева Лонгорија ја покажа својата совршена фигура во бел костим за капење додека се релаксира на јахта. Актерката замина на крстарење со јахтата без посебен стајлинг и шминка.
View this post on Instagram
„Дали на уште некој му недостига летното сонце“ – напиша таа во објавата.
Фановите во коментарите се восхитуваа на фигурата на актерката: „Изгледаш одлично, вистински оган“, „Неодолива“, „Шик“, „Каква убавина!“, се само дел од коментарите.
Да потсетиме дека од 2016 година, Ева Лонгорија е во брак со бизнисменот Хозе Антонио Бастон, сопственик на латиноамериканската медиумска компанија Телевиса. Во 2018 година, парот го доби синот Сантијаго. Ова е трет брак на актерката. Таа беше во брак со актерот Тајлер Кристофер од 2002 до 2004 година. Лонгорија беше во брак и со кошаркарот Тони Паркер од 2006-2011 година.
