Пејачот Дарко Лазиќ на својот Инстаграм профил објави фотографија од сопругата на која за роденден и купил автомобил и букет цвеќе.
Дарко Лазиќ важи за еден од најбараните пејачи во регионот, па не е чудно што неговите хонорари, како и бакшишите кои ги добива за време на настапите, му обезбедуваат огромна сума на пари за удобен живот.
Пејачот отсекогаш бил галантен кога се во прашање подароците за неговите сакани луѓе, но посебно е расположен за скапи подароци за Катарина. Па, така, овојпат изборот падна на луксузен автомобил од неколку десетици илјади евра.
Со автомобилот Дарко ѝ подари на сопругата и голем букет цвеќе, а потоа направи фотографија која ја објави на својот Инстаграм профил со песната „За тебе секогаш ќе бидам тука“.
Да потсетиме, Дарко и Катарина го кажаа судбоносното „да“ минатата година, а пејачот по венчавката призна дека конечно ја пронашол жената на својот живот.
