Двојката многупати е забележана на средби, но ова е првпат да направат гест за да ја покажат својата врска. Ѕвездите излегоа на прошетка во Лондон.
Американската моделка Џиџи Хадид (28) и актерот Бредли Купер (49) беа забележани како се држат за раце за време на средбата во Лондон, среде гласини за нивната романса, пишува Page Six.
Славниот пар конечно ја потврди својата врска за време на романтичната прошетка низ британската престолнина.
Супермоделот со палестинско потекло носеше беж панталони, темно кафеава кожна јакна-бомбер и црни мокасини. Изгледот го дополни со мала црна чанта, очила за сонце и златни обетки. Мајката на едно дете ја врза косата во уредна пунџа.
Купер пак, носеше црн капут, маскирни панталони, Најк патики и црн шал. Актерот на филмот „Маестро“ го комплетираше изгледот со очила за сонце и додаде малку елеганција со сина карирана капа.
View this post on Instagram
Медиумите првпат почнаа да зборуваат за можната врска на парот во октомври 2023 година. Двојката беше „уловена“ повеќепати заедно на различни средби и настани, но ова е првпат манекенката и актерот да се држат за рака.
Во текот на изминатата година се шпекулираше дека Џиџи Хадид имаше љубовна афера со Леонардо ди Каприо. Инаку, таа со пејачот Зејн Малик ја има тригодишната ќерка Хеј.
Бредли Купер пак, е татко на ќерката Леа со моделката Ирина Шајк.
