Ретка фотографија на Анџелина Џоли и нејзиниот син Нокс, кои се „уловени“ заедно на шопинг.
Глумицата и нејзиниот син Нокс се фотографирани во Лос Анџелес, како излегуваат од продавница за домашни миленичиња, а Нокс изгледаше повисок од Џоли и според многумина – израснал во убаво момче.
#AngelinaJolie Angelina Jolie https://t.co/C8p2O9dJAR
— angiemoi (@NoToAbuse_) July 8, 2024
Џоли и Нокс ги оставаа своите набавки во багажникот на нивниот автомобил. Џоли носеше елегантни црни панталони, сако и бела кошула. Косата ѝ е пуштена и брановидна, а изгледот го заокружи со очила за сонце. Нокс пак, беше облечен во кремаста маичка, црни шорцеви и „најк“ патики.
Нокс (15) е едно од децата на Џоли и Бред Пит и се чини дека ја цени својата приватност, ретко се појавува на фотографии. Ова е еден од првите моменти оваа година кога е „уловен“ од папараците. Последен пат беше фотографиран во декември минатата година кога заедно со неговата сестра близначка Вивиен присуствуваа на отворањето на Atelier Jolie, модната продавница на Џоли во Њујорк.
Во текот на изминатата година, Вивиен Џоли ѝ се придружи на нејзината мајка на различни ангажмани поврзани со „The Outsiders“, претстава поставена на Бродвеј на која работеа заедно. Додека Џоли беше еден од продуцентите на претставата и составен дел во финансирањето и развојот на проектот, Вивиен беше асистент и ѝ даваше на мајка си предлози кои помогнаа да се обликува претставата. За нејзиниот брат-близнак Нокс пак, малку се знае какви интереси засега има и со што сака да се занимава во иднина.
