„Среќен петок“, им порача актерот Џереми Ренер на своите фанови на Инстаграм додека седеше до машината за кревање тегови.
Актерот успешно се опоравува од страшната несреќа во јануари. Тој почна да оди во вежбална, а со фановите сподели фотографии од тренингот.
Ѕвездата од филмовите на „Марвел“ на почетокот на годината беше прегазен од плуг тежок 6 и пол тони додека го чистеше снегот и неговата здравствена состојба беше критична. Имаше повеќе од 30 скршеници, по што му беа направени неколку операции.
„Овие 30 и нешто скршени коски ќе залепат, ќе станат посилни, исто како што се продлабочува љубовта и врската со семејството и пријателите“, рече Џереми.
