Џенифер Анистон неодамна откри што можело скапо да ја чини култната серија „Пријатели“, па дури и да ја уништи.
Таа тврди дека разликите во платите можеле да ја уништат актерската екипа на „Пријатели“, бидејќи во првата сезона таа и Дејвид Швимер биле платени повеќе од останатите актери.
Имено, Анистон и Швимер поради тоа се чувствувале лошо и се избориле сите шест главни актери да бидат исто платени.
„Да не се случеше тоа, ќе не уништеше. Поентата е дека сите работевме еднаква работа и сите заслужуваме да бидеме подеднакво платени за тоа. Не би се чувствувала добро да одам на работа знаејќи дека некој добива помалку плата отколку мене“, рече таа.
Џенифер изјави за Вол Стрит Журнал дека потоа ги намалиле хонорарите на неа и на Швимер за сите да бидат еднакви.
До деветтата и десеттата сезона, сите шест главни ѕвезди заработија 40 милиони долари. Шестмината наводно заработувале 1 милион долари по епизода во мај 2004 година, кога се емитуваше финалето.
