Актерот Драган Спасов- Дац објави емотивна приказна за неговата мајка, поетесата Лидија Лучко Јеремиќ со која е посебно поврзан. Поводот е 81. роденден на уваа убава дама, а актерот по тој повод на Фејсбук напиша:
„Денеска и е роденден на мојата мајка. Но оваа мајка не е како другите мајки, ова мајка решила да ме роди баш мене и да стане моја мајка.
Мојата мајка се вика Лидија и таа е најдобрата и најубавата мајка на светот. Јас сум нејзината среќа, нејзината љубов, нејзиниот најсакан син и секогаш кога ќе ме погледне нејзините очи зрачат со љубов.
Можам да ја препознаам по мирисот и по топлината на нејзината рака, по насмевката и по добрината во гласот. Е, баш таа мајка е мојата мајка која решила да ме одгледа оваков каков што сум.
Сите мајки на светот се добри но само една ме сака бескрајно. Среќен роденден мајко моја!
(Посветено на сите мајки, посебно на мојата)“, напиша Дац.
