Марко Новески беше познат како „Марко дај побрзај“, а нашиот водител сега има нов прекар, Марко- „Листа за триста“ по квизот кој го води. Тој важи за една од нашите најпозитивни јавни личности, неговата девиза на социјалните мрежи е „шириме позитива“.
Марко се ожени во време кога пандемијата уште не беше завршена, во 2021 година. Познатиот македонски водител стапи во брак со саканата Цена Плавевска во Скопје.
Парот го изговори судбоносното „ДА“ во уникатна облека. И двајцата носеа жолто-бела модна кобинација со старки.
Минатата година во април, Марко и Цена станаа родители на близнаци. „Добредојдовте Вања и Веда“, напиша водителот тогаш до фотографијата од новородените близначиња. Тој сега не пропушта да сподели утринско видео со своите најмили.
Како посветен татко, Марко секое утро ги носи децата во градинка, заедно ги шетаат милениците, и не заборава на сите да им посака да имаат убав ден.
Марко сподели едно многу емотивно видео со своите близнаци, и неговата сопруга. Шетајќи се низ Охрид, тој ги снимаше близнаците и сопругата и рече дека таа ги учи на едно многу важно нешто, секогаш да се држат за раце додека одат.
