Емина Јаховиќ (41) наскоро ќе се мажи за турскиот милионер Курт Данијел Сантеј (55). Минатата недела пејачката ја помина во Србија со многу богатиот финансиски советник и го запозна идниот сопруг со семејството.
Јаховиќ беше десет години во брак со турскиот пејач Мустафа Сандал (53) со кој има два сина – Јаман (15) и Јавуз (9), додека Сантеј со првата сопруга има истотака два сина.
-Емина и Курт се во врска неколку месеци и се многу заљубени. Тие се среќни што се запознаа! Сантеј планира да го помине животот со Емина, веќе разговарале за венчавката, но се уште не ја закажале. Прашање е само на денови, но мислам дека ќе биде ова лето – вели извор близок до парот, пишува српски Информер.
Јаховиќ долго време криела дека е во љубовна врска.
– Не сакаше никој да знае за Курт и неа, додека не се увери дека се работи за сериозна врска. Тие долго време тајно се гледале во Истанбул. Биле и на одмор на Малдиви, за што Сантеј искеширал 15.000 евра. После тоа патување, Емина решила да им признае на најблиските, мајката, братот, синовите и пријателите дека е вљубена во Курт. Оттогаш почнаа заедно да се појавуваат во јавноста – вели соговорникот за Информер и открива дека пејачката го запознала својот иден сопруг со синовите:
– И двајцата го сакаат Курт! Исто така, неговите синови ја сакаат Емина. Сите заедно беа на ручек, а потоа се видоа уште неколку пати. Јаман и Јавуз се веќе големи и сфаќаат дека мајка им има право на свој живот, па ја поддржуваат нејзината врска, како што го поддржија и бракот на таткото, Мустафа Сандал со Мелис Сутшуруп.
