Од вчера медиумите пишуваат за обидот за напад на пејачката Елена Ристека, од страна на жена, кој се случил завчера вечерта во скопскиот локал Интермецо по полноќ.
Елена беше недостапна за медиумите, но сега најпосле се огласи во врска со немилата случка на својот Инстаграм профил.
Прво, таа потврди дека навистина се случило тоа, а потоа забележа дека тоа за неа е нешто што најмалку го заслужила:
„Чувствувам должност и почит спрема целата јавност и новинарите да ви се обратам околу натписите каде се споменува моето име. Да, точно е дека имаше обид за напад кон мене, но за истото е поднесена кривична пријава и очекувам од полицијата да го разреши случајот. Очекувам поддршка од сите вас бидејќи ова ми се случи без причина и повод. Не се грижете јас сум добра, ви благодарам на сите кои ми пишувате да изразите поддршка. После 21 година кариера, градење на име и реноме на пристојна и нескандалозна личност, ова за мене е нешто што мислам дека најмалку сум го заслужила и го гледам како обид да се извалка моето име. И покрај сето ова, јас продолжувам да пеам за моите фанови“ – напиша Ристеска.
