Калиопи раскажа за две големи трауми кои ги доживеала, а морала да пее токму во период кога била многу тажна.
Во интервју за „Хајп“ ТВ таа раскажа дека секоја нејзина интерпретација на хитот „Бато“ е различна, и се сети на една тажна случка пред да настапи на „Скопскиот фестивал“.
– Секоја моја интерпретација на „Бато“ е поинаква. Таа интерпретација на „Скопскиот фестивал“ беше поинаква, затоа што ден претходно јас морав да ја успијам мојата шарпланинка Лона, бидејќи беше многу болна и тоа го доживеав многу трауматично.
Но, морав да се соземам, бидејќи тоа беше договорено од порано, и ме очекуваше голема професионална задача. Јас не можам визуелно да го гледам тој настап бидејќи сѐ на моето лице ме потсетува на траумата која ја доживеав ден пред тоа, ама гласот пак, ме служеше како никогаш.
Исто и кога татко ми почина, во Фрушка Гора имав концерт. Истиот ден сабајлето ја дознав веста, вечерта настапив. И кога мислиш дека најмалку гласот ќе те служи, нешто неверојатно се случува – рече Калиопи.
