Џорџина Родригез, девојката на Кристијано Роналдо, потпишала договор со Нетликс за снимање на втора сезона на автобиографското реално шоу „Јас сум Џорџина“.
На неодамна одржаниот шпански телевизиски и филмски фестивал беше прикажан дел од продолжението на проектот, а присутните имаа можност за првпат да ги слушнат размислувањата на Џорџина на болната тема – загубата на нејзиниот син на почетокот на годинава.
Да потсетиме дека за време на породувањето едното бебе (синот) не успеа да преживее, додека ќерката Бела Есмералда успеа да победи во голема битка за живот.
„Животот ми даде толку многу за толку кратко време. Оваа година во еден миг го доживеав најдобриот и најлошиот момент во мојот живот. Голем дел од моето срце се скрши и се прашував како да продолжам понатаму. Одговорот го имав поблиску отколку што мислев. Погледнав во очите на моите деца и таму го видов единствениот начин тоа да го направам, да бидеме сите заедно. Ме спасија“, признала убавицата.
Се очекува премиерата на реалното шоу да се случи следната година.
