Холивудската актерка Џенифер Лоренс во најновото интервју, односно гостување во поткаст, рече дека има „таен живот“, откривајќи дека на социјалната мрежа Тикток има таен профил од кој коментира и влегува во расправии со други корисници на таа мрежа.
„Имам таен профил на Тикток. Влегувам во коментарите, се расправам. Тоа ми стана навика“, рече Лоренс во интервју за „Фанданго“.
Како што објасни, сè започнало безопасно, со расправии за реалити програми и ѕвезди како „Вистинските домаќинки“ или „Кардашијан“.
„Се карам во коментарите. Една девојка ми напиша: ’Колку години имаш? Имај си свој живот“, раскажа холивудската ѕвезда низ смеа.
Како што додаде, ситуацијата се вжештила кога почнала да коментира за британското кралско семејство, наведувајќи дека кралицата Елизабета втора и нејзиниот сопруг, принцот Филип, биле роднини.
„Многу луѓе едноставно не знаеја дека кралицата Елизабета втора била мажена за својот братучед од прво колено. Едноставно е така. Тоа е факт. Тие се роднини“, изјави Лоренс.
