Здравко Чолиќ ќе настапи за Нова Година во хотел во Дубровник на 31 декември, додека Северина ќе ја забавува публиката на 2 јануари.
„Цените на понудените пакети се однесуваат на две лица и вклучуваат два концерта, две свечени вечери, полупансион за третиот ден од престојот, како и сите други услуги што се дел од понудата“, објаснија од хотелот за „Вечерњи лист“.
Достапни се само пакети за три ноќевања – па ако сакате да присуствувате само на концертите, тоа не е можно. Бидејќи хотелот нуди неколку опции како дел од новогодишната програма, новинарите ги прашаа која е цената на најевтиниот и најскапиот пакет.
„Најниската цена на новогодишниот пакет вклучува стандардна соба со поглед на градот. Цената без попуст е 2.430 евра. Најскапиот пакет, кој вклучува апартман, чини 5.645 евра, исто така без попуст“, изјавија тие.
Тие ги објаснија и причините за толку високите цени на новогодишната програма.
„Во салата каде што ќе се одржуваат концертите, имаме виолетова, црвена и сина зона, кои се разликуваат според распоредот на седење, односно кој е поблиску до сцената. Гостите ќе уживаат во гала вечерта со хитовите на нашите пејачи. Најскапа е виолетовата зона, со најдобар поглед на сцената, црвената зона е во средината, додека масите на крајот од салата се наоѓаат во сината зона, која е најевтина“, објаснија од хотелот.
Тие открија и колку долго ќе траат концертите на Здравко Чолиќ и Северина Вучковиќ:
„Засега не можеме со сигурност да го потврдиме тоа, но претпоставуваме дека ќе траат околу еден до еден и пол час“, рекоа тие.
