Откако Кејт Мидлтон објави дека има рак, на социјалните мрежи почна да се споделува видео од трогателниот момент кога принцезата од Велс облекла розов фустан за да запознае мало девојче кое има леукемија. Кејт ѝ ветила на тогаш петгодишната Мила Снедон дека ќе носи розово (омилена боја на Мила).
Принцезата го одржа ветувањето и облече розов фустан за да се сретне со Мила во мај 2021 година. Кејт не смеела да ја прегрне поради короната, но ѝ кажала дека навистина сака да ја погали. Мила беше совршена мала принцеза во фустан, носеше мала круна и розови чевли.
Ден откако беше откриено дека Кејт има рак, Мила ѝ испратила порака на принцезата, пишува Индекс хр.
– Ќе биде храбра како што бев јас и ќе се бори како што се борев јас – изјавила малата Мила за Мирор. И нејзината мајка ја коментираше објавата на Кејт.
-Кејт е мајка и сопруга, таа е млада, убава и атлетски градена и се соочува со ова. Тоа покажува дека ракот не прави дискриминација, секому може да му се случи во секое време. Ѝ посакуваме мирно и брзо закрепнување – рекла Линда и испратила порака до кралското семејство.
– Ја испраќаме нашата љубов, поддршка и добри желби до Вилијам, Џорџ, Шарлот и Луј и посакуваме на Кејт мирно и брзо закрепнување.
Мајката на Мила рече дека принцезата ја објавила дијагнозата на рак на втората годишнина од ремисијата на Мила.
– Мила разговараше со мене и ми кажа дека сака да направи и да ѝ испрати картичка на Кејт. Така Мила ќе оствари контакт на приватен начин. „Кејт и покажа на Мила такво сочувство, грижа и поддршка за време и по третманот“, додаде таа.
