Светлана Цеца Ражнатовиќ проговори за љубовта со Жељко Ражнатовиќ Аркан, начинот на кој се запознале, а за првпат проговори и за двете бремености, пренесува „Телеграф“.
„Се сеќавам дека имав настап во Германија и на една бензинска пумпа купив „Плејбој“. Во списанието го видов човекот на мојот живот! Не разбрав што пишува во интервјуто, само зјапав во неговата фотографија. Тој беше најмажествениот и најзгодниот маж што сум го видела во животот. Си помислив „Значи тој е тој Аркан!“, Посакав да му бидам сопруга“, се присети Цеца па опиша како изгледала нивната прва средба очи во очи.
(ФОТО) АРКАН ГИ ЗАБРАНИЛ ОВИЕ КАДРИ: Погледнете ги скандалозните сцени од филм во кој глуми Цеца
„Нè запозна Оливер Мандиќ на еден настан. Бидејќи во тоа време кружеше измислена приказна дека Аркан ми ја скратил косата, Жељко ми рече: „Дали си ти ѕвездата што редовно ја шишам?“. Бев истрауматизирана, исплашена. Продолживме да се гледаме, а јас прва го бакнав! Во Жељко не се вљубив поради неговата моќ, туку во него како маж, во неговите човечки квалитети, карактерни особини, физичкиот изглед… Мене ме интересира некој што ќе може емотивно да ме трогне и да ме направи среќна, а не колку е моќен и што има на сметка во банка“, раскажа ѕвездата.
View this post on Instagram
Цеца поради големата разлика во години се плашела да им каже на нејзините родители
дека се во врска. Таа им ја признала вистината кога се вериле.
„Им кажав дека ќе се омажам за Жељко, а мајка ми се израдува: „За Шашиќ? Прекрасно. Тој е одличен тип“. Тогаш реков: „Кој Шашиќ, ќе се омажам за Жељко Ражнатовиќ Аркан!“. Ќе се онесвестија, иако претходно знаеја нешто од медиумите, но се надеваа дека брзо ќе ми помине. Тогаш татко ми стана сериозен и ми се закани: „Ако се омажиш за него, ќе се откажам од тебе!“. Знаев дека само ме плаши, па му реков: „Сите можете да се убиете, ќе се омажам за него затоа што го обожавам“. Кога го запознаа, го засакаа“, истакнала таа.
View this post on Instagram
Цеца и Аркан се вериле на Божик во 1995 година, а се венчале еден месец подоцна. Пејачката двата пати забременила со ин витро, а сега објасни и зошто.
„И двајцата сакавме деца. Имав само 22 години кога открив дека имам проблем да забременам, па отидов во болницата „Народни фронт“ на ин витро“, се присети Цеца.
View this post on Instagram
„Мојот покоен сопруг ме поддржа и учествуваше со мене во комплетната програма, иако беше очигледно дека тој нема проблем, бидејќи веќе имаше седум деца“, изјави пејачката која во 1995 година ги роди синот Вељко и три години подоцна, ќерката Анастасија.
View this post on Instagram
Идилата прекинала кога Жељко бил убиен на 15 јануари 2000 година во тогашниот хотел Интерконтинентал.
„Тоа беше најлошиот и најтешкиот момент во мојот живот. Се обидов да ги потиснам тие трауматични слики, но тие и денес ми се пред очи. Тешко ми е да зборувам за убиството на таткото на моите деца. Жељко е присутен во нашите животи секојдневно, често зборуваме за него. Тој е човекот кој ми го одбележа животот“, призна Цеца.
ЦЕЦА РАЖНАТОВИЌ СИ ЈА ОТВОРИ ДУШАТА: За партнерот, каде за Нова Година, за загубите…
„Жал ми е што Вељко и Анастасија не се сеќаваат на него. Беа бебиња кога го загубија, Таса имаше година и пол, а Вељко три. Ги погодува кога ќе прочитаат нешто лошо за него, но тоа не може да се спречи. Научија да живеат со непријатните ситуации. Многу им недостига, особено во некои важни моменти, како што беше свадбата на Вељко и раѓањето на неговиот син, кој го доби името по Аркан“, изјави Ражнатовиќ.
