Легендарниот македонски актер Благоја Чоревски и неговата сопруга Магдалена Чоревска имаа голем повод за славење – 50 години брак.
За да ја прослават „златната свадба“ организираа прослава за семејството и блиските пријатели.
Магдалена Чоревска на социјалните мрежи сподели фотографии од прославата, како и честитка од блиска пријателка:
„Магде и Чоре… Среќна златна годишнина од брак. Ви посакувам уште многу заеднички години на љубов, среќа и радост.“
Исто така таа сподели и фотографија од свадбата, како и моменти од прославата на која опкружени од најблиските, го одбележаа својот златен јубилеј.
Во една прилика, во гостување на Тв Сител Чоревски зборуваше за својата сопруга Магдалена, за децата и за внуките. Неговата постара внука Лина Чоревска е актерка во битолскиот театар и таму живее, а помалата внука Лина Тодоровиќ живее во Скопје.
„Сум ги поминал сите будалаштини, сега сум стабилизиран, но детето во мене сè уште постои. Еден од големите заслужни луѓе за она што сум денес, освен моите родители, е мојата сопруга- рече Чоревски.
