Пејачката Глорија Естефан е уште една од низата славни личности кои конечно собраа сила и јавно проговорија дека се соочиле со ужасот од фактот да се биде жртва на сексуално злоставување.
Глорија имала 9 години кога била злоставувана од член на нејзината фамилија, чиј идентитет не го откри во јавноста.
„95% од злоставуваните деца ги знаат и познаваат нивните злоставувачи. го знам ова бидејќи и јас сум една од нив“, откри Глорија Естефан.
View this post on Instagram
Во својата објава 64-годишната пејачка откри дека станувало збор за моќен член на нејзиното пошироко семејство, а нејзината мајка ја запишала во неговото музичко училиште. Тој веднаш почнал да ја фали колку е талентирана и дека ѝ треба посебно внимание, а нејзината мајка била воодушевена.
„Му реков „Ова не може да се случи, не можеш да го правиш ова“. Тој рече „Твојот татко е во Виетнам, твојата мајка е сама и ќе ја убијам ако ѝ кажеш“. Знаев дека човекот е луд и затоа помислив дека тој може всушност да ја повреди мојата мајка“, прозборе Естефан.
View this post on Instagram
По ужасното злоставувања Глорија започнала да бара изговори само за да не ги посетува музичките часови, тврдејќи дека ѝ биле „досадни“…
Но по губење на значителен дел од нејзината коса како последица од стресот и анксиозноста, на крајот собрала сила да ѝ раскаже сè на својата мајка. Нејзината мајка пријавила во полиција, но не продолжила со тужба за нејзината ќерка да не поминува низ дополнителни трауми од процесите на сведочење и сослушување кои знаат да траат и со месеци.
View this post on Instagram
Ова е првпат пејачката да зборува за овој дел од нејзиниот живот, а единствени кои знаеле за непријатното искуство било нејзиното семејство.
„Сакав да се справам со темата бидејќи е многу важно да се обидеме да спречиме. Исто така не сакам ни да седам молчаливо додека други споделуваат и се храбри“, кажа Естефан.
По сето искуство Естефан истакна дека не сака да биде нарекувана „жртва“, туку „преживеана“.
