Бугарската музичка ѕвезда Азис вгради силиконски импланти во градите, а првите резултати од естетската интервенција ги сподели на својот инстаграм-профил.
Пејачот објави фотографии без маица, на кои се гледа како поминала операцијата. Од страните на трупот сè уште се забележуваат конците и дреновите по хируршката интервенција.
„Лекарите ми го остварија сонот“, напиша Азис, појаснувајќи дека станува збор за машки силиконски импланти.
– Уште еднаш им благодарам на докторите што ми го остварија сонот! Ми вградија машки, нагласувам, машки силиконски импланти во градите. Вкупно 600 кубици – по 300 на секоја страна. Ќе имам убаво изразени, спортски гради. Во почетокот ќе бидат малку поголеми од вообичаеното, но со тек на време ќе се намалат и убаво ќе „легнат“ – објасни пејачот.
Тој додаде дека престојот во клиниката бил пријатен и дека се чувствувал како дома, нагласувајќи дека целото искуство поминало во најдобар ред.
