Популарната водителка Деа Ѓурѓевиќ на 22 февруари го кажа судбоносното „да“ со својот партнер Лазар, со кој истовремено очекува и ќеркичка.
Тие го крунисаа својот однос во тајна свадба, а сега се појавија и првите фотографии од интимната церемонија, на кои јасно се гледа колку Деа блеска и ужива во еден од најубавите денови во животот.
На фотографиите се забележуваат нивните специјално изработени венчални прстени од комбинација на бело и жолто злато, како и нивната среќа и љубов еден кон друг.
View this post on Instagram
„Одлучивме нашиот брак да го започнеме тивко, со најблиските. Беше прекрасно, токму онака како што посакавме – мирно, искрено и полно со љубов“, изјави Деа за „Пинк“ Таа исто така го откри и полот на бебето.
Големата прослава е планирана по раѓањето на нивната ќеркичка, кога радоста ќе ја споделат со поширокото семејство и пријателите.
На венчавката, Деа имаше за кума својата долгогодишна пријателка Данијела Вујичиќ, која ја сподели и првата фотографија од церемонијата:
„Денес официјално сум кума на мојата драга Деа… Од денес госпоѓа Петровиќ“, напиша Данијела.
Особено емотивен момент беше и оној со Деината мајка Нена, која едвај чека да го прегрне своето внуче.
