Актерот и поранешен гувернер на Калифорнија, 76-годишниот Арнолд Шварценегер имаше оперирација на срцето, изветува Дејли меил.
Арнолд Шварценегер откри дека му бил ставен пејсмејкер минатиот понеделник, на 18 март, по три операции на „отворено срце“.
„Минатиот понеделник имав операција за да станам малку повеќе машина: добив пејсмејкер. Најпрво сакам да знаете дека ми оди одлично. Имав операција во понеделникот, а во петок бев на голем еколошки настан со мојата пријателка и колешка, фитнес ентузијастката Џејн Фонда“, изјави актерот во поткаст.
Актерот појасни дека сите лекари и медицински сестри покажале неверојатна грижа кон него и ја направиле операцијата што е можно побезболна. Објасни и зошто ја направил операцијата.
– Ме советуваа дека е време да ја направам операцијата, зашто ми остана лузна од претходната операција која предизвикуваше неправилно отчукање на срцето. Ете, таков е животот со генетски проблем со срце. Ваков здравствен проблем ги уби мајка ми и баба ми. Се сметам за одговорен и одлучен сум да водам сметка за своето здравје и да ги слушам советите на лекарите“, додаде глумецот.
