По повод веста дека градоначалникот на Пула Филип Зоричиќ го забранил настапот на Ана Бекута, Зорана Миќановиќ, Душко Кулиш и Драган Којиќ Кеба во овој град во Истра, нарекувајќи ги српски отпад, Ана Бекута се огласи, ја пофали Истра каде што редовно летува, но и жестоко му возврати на градоначалникот кој српскиот народ го нарече „ѓубре“.
– Во последните 40 години најмалку десет пати летував во Истра. Затоа што, како што велат моите пријатели, имам вкус. За мене Истра е еден од најубавите региони на нашата поранешна држава. Храната е неверојатна, пејзажот е прекрасен, сите мои домаќини беа неверојатни и ме третираа како кралица. Забележав, вака се однесуваат со секој свој гостин. Од каде и да дојде – искрена е Бекута.
View this post on Instagram
– Затоа знам дека одлуката на градоначалникот на Пула нема никаква врска со начинот на кој размислуваат житлите на Пула и Истра. Поминав доволно време во Пула и Истра за да ги запознаам. Ѓубрето или како што тој го нарече отпадот, нема нација. Отпадот не може да биде српски или хрватски. Отпадот е едноставно отпад и ѓубре. Гледам дека го имаме во еднакви количини и во Србија и во Хрватска. Ако ми дозволат актерите на денешните вести да им дадам еден совет од животот: Ако не ви се допаѓа програмата, сменете ја. Кога не ви се допаѓа кафулето, сменете го. Ако не ви се допаѓа концертот, не купувајте билет. Многу е едноставно. Се гледаме во Осијек – напиша Ана на својот Инстаграм профил.
