Александра Пријовиќ извесно време паузираше од настапите по раѓањето на своето второ дете, ќерката Арија. По одморот требаше да се врати на сцената, а еден од најавените настапи беше концертот во Зрењанин. Сепак, само еден ден пред концертот, Александра објави дека настапот е откажан поради здравствени проблеми.
„Драги мои, многу ми е жал што мораме да го откажеме концертот во Зрењанин. Иако целиот мој тим денес работеше на подготовката на сцената и на целиот настан, поради ужасниот вирус што го добив, морам да ве известам дека ќе се видиме во некоја друга прилика. Се надевам дека ме разбирате и дека ќе ми простите“, напиша Пријовиќ.
Пејачката не објави нов датум за концертот.
Концертот на Александра во Зрењанин веќе извесно време е главна тема на социјалните мрежи, а се проширија и гласини дека продажбата на билетите била прилично слаба, пишува Јутарњи.хр. Еден корисник на почетокот на септември на Икс сподели визуелизација на салата на која се гледаат уште многу слободни места. Во описот навел дека Пријовиќ не успеала да го распродаде концертот, но таа информација никаде официјално не е потврдена.
Aleksandra Prijovic koja po 7328 ove godine ne moze da rasproda koncert. Umesto kraljice arena ona je ustvari kraljica prolaznog trenda. pic.twitter.com/klh7fNnsBG
— 𝐕𝐨𝐲𝐢𝐧 (@Voyin9) September 9, 2026
На страницата за продажба на билети Ticket.rs е наведено дека настапот е откажан и дека средствата ќе бидат рефундирани. На страницата повеќе не може да се види кои места биле слободни.
На Икс се појавија и непотврдени теории дека откажувањето на настапот е поврзано со тоа што пејачката ден пред објавата присуствувала на прославата на 30-годишнината на „Блиц“.
„Само ќе го оставам ова тука. Заклучете што сакате“, напиша една обожавателка, споделувајќи скриншот на кој се гледа пејачката на прославата.
Samo ću ovo ostaviti ovde. Zaključite šta hoćete.😇
Juče Danas pic.twitter.com/dOCJLZFMHK— Lupus (@KronosLupus) September 17, 2026
