84-годишниот актер Ал Пачино изјави дека како дете се здобил со повреда на пенисот, пренесува Пипл.
Инцидентот се случил кога актерот имал околу 10 години. Тој го нарече настанот едно од најсрамните искуства во неговиот живот.
„Одев по тенка железна ограда и танцував со јаже. Цело утро врнеше дожд и секако се лизнав и паднав, а железната шипка ме удри право меѓу нозете“, изјави ѕвездата на „Кум“.
Актерот истакна дека имал толку многу големи болки што не можел сам да стигне дома.
„Еден постар човек ме виде како стенкам на улица, ме крена и ме однесе до станот на тетка ми“, рече тој.
Според Ал Пачино, тој со часови лежел на кревет со панталоните целосно спуштени до глуждовите, а „трите жени на неговиот живот“ – мајка му, тетка му и баба му – биле во близина и не можеле да се соземат од паника.
„Помислив: „Господе, те молам земи ме сега“, рече актерот. .
Актерот додаде дека неговиот пенис сепак, за среќа, „останал на своето место“, но останала и психолошката траума од инцидентот.
