Поп-дивата Маја Оџаклиевска уште еднаш ја покажа својата препознатлива искреност и силен карактер за време на своето гостување во ТВ Уна во Белград.
Низ смеа, но со јасен став, таа проговори за својот хороскопски знак, за тоа како реагира кога некој се обидува да и го ограничи личниот простор. Маја не крие дека нејзиниот темперамент е силен и дека не трпи авторитети кои се обидуваат да ја контролираат.
„Јас сум Бик во хороскоп, со подзнак на Овен. Дуплли рогови. Значи, тешко на оној што ќе ми каже ‘немој така’“, изјави Оџаклиевска низ смеа.
Маја вели дека е личност која секогаш дава сè од себе за луѓето и никогаш не ги изневерува оние што ги сака, но нагласува дека за возврат бара само една работа – слобода.
„Само вие пуштете ме на мир. Нема да ве разочарам, нема да ве изневерам. Ама пуштете ме, дајте ми простор!“, вели Маја.
За крај, пејачката испрати јасно, но духовито предупредување до сите кои не ги почитуваат нејзините граници.
„Штом некој ми некој одземе малку од тој простор, мислам дека е подобро веднаш да се тргне настрана. Подобро сам да се тргне, отколку јас да го тргнам!“, заклучува Маја. Оваа нејзина изјава го насмеа познатиот водител Бошко Јаковљевиќ.
