Популарната пејачка Марија Шерифовиќ максимално ужива во улогата на мајка, а сега отворено и искрено проговори за тоа дали планира во иднина да го прошири семејството.
Марија призна дека во овој момент не размислува за уште едно дете, но не ја исклучува можноста еден ден да го промени мислењето.
„Во овој момент не, и засега не. Ако желбите се променат, зошто да не? Но, засега не. Велат дека децата се наши учители, некои веруваат дека е обратно, а јас мислам дека е токму така. Речиси сум сигурна дека Марио ќе ме научи на многу нешта, дека тоа ќе биде една долготрајна борба меѓу Стрелец и Шкорпија. На крајот на краиштата, нешто е до воспитувањето, нешто излегува од дома, а нешто едноставно мора да се препушти на повисоките сили, а на нас како родители ни преостанува само да се прекрстиме и да гледаме“, изјави Марија.
Пејачката не крие дека нејзиниот син Марио секојдневно ѝ носи огромна среќа и дека во најтешките моменти токму неговата насмевка ѝ дава сила.
„Тој е толку прекрасен, постојано се смее… Токму кога ќе помислам дека нешто ми паѓа тешко или дека нешто не можам, Марио само ќе се насмевне со цела уста и сè веднаш добива смисла“, признава таа.
Говорејќи за воспитувањето, Марија истакна дека верува оти нејзиниот син, иако е сè уште мал, веќе сега разбира многу повеќе отколку што мислат луѓето.
„Сите околу мене велат: ‘Мал е, мал е’, а јас велам дека не е мал, дека сè знае и сè разбира. Мислам каде сега јас да бидам строга мајка… Тој е толку активен што тоа е чудо Божјо, а моја задача во моментов е само да го зачувам“, додава пејачката.
На крајот, таа се осврна и на предизвиците на самохраното родителство, испраќајќи силна порака со огромна почит до жените кои сами одгледуваат деца.
„Со оглед на тоа што за поинаку не знам, не гледам некоја тежина… Всушност, гледам и знам дека на секоја самохрана мајка треба да ѝ се додели пехар, диплома и плата од 5.000 евра. Самохраните мајки треба да станат лица заштитени од Бога“, порача Марија Шерифовиќ.
