Ќерката на пејачката Наташа Беквалац и поранешниот српски ватерполист Данило Икодиновиќ, Хана Икодиновиќ, повторно привлече големо внимание на социјалните мрежи објавувајќи кратко, но провокативно видео. Во провокативно издание, убавата Хана се снимала пред огледалото, додека во позадина се појавил полугол маж кој шетал низ собата.
Иако видеото траело само неколку секунди, тоа било доволно за да предизвика лавина од реакции на социјалната мрежа Тикток. Коментарите се нижеле, а додека некои го фалеле изгледот на Хана, други се прашувале кој е мистериозниот маж што се појавил во видеото.
Хана била облечена доста провокативно, во фустан со длабоко деколте, што дополнително предизвикало внимание.
Недолго потоа, ќерката на Наташа Беквалац го отстранила видеото од својот профил на Тикток, но било доцна, бидејќи веќе предизвикало многу шпекулации.
Да потсетиме, Хана Икодиновиќ неодамна се преселила во Мадрид, Шпанија, каде што планира да го продолжи своето образование.
Таа се запишала на Факултетот за психологија, но набрзо се откажала и го започнала процесот на префрлање на насока – маркетинг, како што претходно открила Наташа Беквалац.
