Розевата куќа на Барби, најпознатата кукла во светот ги отвори вратите за обожаватели кои ќе можат и да ја изнајмат пред премиерата на филмот, односно да резервираат едно ноќевање за двајца. Тоа ќе можат да го направат за околу две недели – од 17 јули во 19 часот.
Во филмот „Барби“ главната улога им е доверена на прекрасната Маргот Роби и Рајан Гослинг, а под режисерската палка на Грета Гервиг, која заедно со нејзиниот сопруг Ноа Баумбах го напиша и сценариото за овој филм, кој несомнено ќе стане голем летен хит на бокс офисот.
Куќата се наоѓа во Малибу (Калифорнија, Соединети Американски Држави), на 40 минути возење од Лос Анџелес и нуди прекрасен поглед. Изнајмувањето на куќата на Барби е целосно бесплатно.
Куќата од соништата на Барби има поглед на море, базен, клима уред, Wi-Fi…
Сè што треба да направите е да се пријавите на airbnb.com/kendreamhouse.
