Една од најпознатите светски парти девојки, Кејт Мос, се смири и секој ден, како што вели, во 23 часот оди на спиење. Потребни и се осум часа сон, бидејќи инаку не може да функционира. Оваа легендарна манекенка живееше бурен и скандалозен живот, а сега како што и самата за себе вели, конечно се смирила.
Кејт Мос (46) светски познатата манекенка, припадничнката на златната манекенска генерација во 90-те, ја отвори душата за „EL“ и откри како дивите забави и таквиот начин на живот се зад неа. Кејт е целосно трезна веќе две години, а во најлудата фаза го носеше надимакот „The Tank“ поради огромната способност за пиење на алкохолни пијалоци.
„Во 23 часот морам да бидам во кревет, палам Нетфликс и веднаш заспивам“, изјави таа за „EL“. Поранешната манекенка објасни дека штотуку завршила со гледањето на серијата ‘„Sex Education”. „Станувам во 8 наутро, но доколку не спијам точно осум часа, не се чувствувам убаво во текот на денот“, откри Мос.
Новиот порок на Кејт е дневната доза на јога и со неа го започнува денот, има и велосипед, но не го користи често. Нејзините долгогодишни пријатели и деловни соработници ја потврдија оваа приказна и објаснија дека сега многу подобро се забавуваат отколку претходно, кога главна рутина им биле дрогата и алкохолот.
Таа појасни и како дошла до надимакот „The Tank“. Таа веднаш по будењето посегнувала по алкохол, па потоа и за време на ручекот, а потоа и цела ноќ, така што буквално цел ден пиела алкохол и можела да испие повеќе од било кој во друштвото.
Среќна е и моментално мисли дека парти начинот на живот за неа е „завршена приказна“, како поради себе така и поради ќерката Лил (17), која ја доби во врската со Џеферсон Хак, кои целосно и помогнале да стигне на патот на кој се наоѓа сега.
