Според кралскиот експерт Нил Шон, крштевањето на второто дете на Хари и Меган било уште една причина за несогласување меѓу војводите од Сасекс и кралското семејство: тие сакале да ја однесат својата ќерка во Англија, но принцот Вилијам не дозволил.
Малата Лилибет Дијана, второто дете на принцот Хари и Меган Маркл, на 4 јуни ќе наполни една година, но се уште не е крстена.
Експертот на кралското семејство Нил Шон на неговиот канал на Јутјуб, цитирајќи цитирајќи „одреден извор“ рече:
„Лилибет Дијана требаше да се крсти во Обединетото Кралство: родителите сакаа да го прослават светиот чин во капелата „Свети Џорџ од Виндзор“ каде што се венчаа самите. Но, некој се спротивстави на идејата Лили да се крсти во Англија“.
И овој некој, повторно според изворот на Нил Шон, бил принцот Вилијам.
„Тој во основа стави вето. Но, тоа не беше добра идеја. Ако Хари и Меган беа задоволни, според Шон, работите меѓу Сасекси и кралското семејство ќе се одвиваа многу поинаку: крштевањето на Лили во Виндзор ќе ги вратеше Хари и Меган во Англија, ќе го принудеше целото семејство да се соочи меѓусебе и некако – веројатно – ќе ги смиреше духовите, разгорени од интервјуто-бомба што кралската двојка ѝ го даде на Опра Винфри неколку месеци пред раѓањето на детето“.
Меѓутоа, зошто Вилијам толку решително се спротивставил, Нил Шон не објаснува, освен со прогресивното отуѓување на двајцата браќа, некогаш многу блиски, откако војводите од Сасекс го напуштија кралското семејство.
Експертот, сепак, инсистира на фактот дека тој што најмногу страда е Хари, кој е сè поосамен:
„Хари се чувствува напуштен од семејството: секој пат кога му треба нешто, тие не се таму“.
Откако Хари и Меган го напуштија Лондон, прво во Канада, а потоа во Калифорнија, тие никогаш не се вратија заедно во Англија. Сам Хари се врати само двапати: за погребот на неговиот дедо Филип, во април, и за инаугурацијата на статуата посветена на неговата мајка Дијана во градините на палатата Кенсингтон, во јули.
Во оваа последна прилика, односот на двајцата браќа се чинеше дека конечно се врати во хармонија по тензиите од претходните месеци, но идиличниот момент испари, – пишува Дејли Мејл. Кој знае дали односите повторно се нарушија зашто токму тој ден браќата зборувале и за крштевањето на Лилибет.
