Серијата што ќе нè врати во Средната земја и волшебниот свет на Џ.Р.Р. Толкин, односно продолжението на „Господарот на Прстените“ чие дејстви ќе се одвива пред настаните во романите и филмовите, доби наслов, датум на премиера и тизер.
Серијата треба да доживее премиера на 2-ри септември 2022 година и е едно од најочекуваните телевизиски настани за претстојната година, едно што ќе биде најскапата серија на сите времиња, а друго што конечно ќе можеме да си ја напоиме душата со носталгија по „Господарот на Прстените“.
„Три прстени за кралевите Елфови под небото. Седум за џуџестите господари во нивните камени сали. Девет за смртните мажи, осудени на умирање. Еден за мрачниот господар на неговиот мрачен престол во земјата Мордор каде што лежат сенките“, вели нараторот во видеото.
Потоа се открива насловот: The Lord of the Rings: The Rings of Power (Господарот на прстените: Прстените на моќта)
„До сега, публиката ја гледаше само приказната за Еден прстен на екранот – но пред да биде еден, ги имаше многу… и ние сме возбудени што можеме да ја споделиме епската приказна за сите нив“, изјавија креаторите на серијата.
Почнувајќи во време на релативен мир, серијата следи ансамбл од ликови, познати и нови, додека се соочуваат со одамна стравуваното повторно појавување на злото во Средната земја. Од најмрачните длабочини на магливите планини, до величествените шуми на престолнината на елфовите-Линдон, до островското кралство Нуменор што го одзема здивот, до најоддалечените делови на мапата, овие кралства и ликови ќе издлабат наследство што ќе живее долго откако ќе ги снема.
