Александра Шијакоска и нејзиниот сопруг Едмонд веќе неколку години живеат во куќа во село во близина на Битола.
Таа често истакнува колку ѝ значи мирниот живот далеку од градската бучава и метежот, опкружена со природа и животни.
Особено сега, откако го добија синчето Риан, ужива во можноста тој да расте на чист воздух, во природна средина и во близина на животни – од пилиња, мачки и кучиња, до коњи во дворот.
На својот инстаграм-профил, Александра објави видео во кое прикажа дел од нивното секојдневие, а во описот напиша: „Не ми пречат дополнителните 20 минути возење до маркет, ако тоа значи дека моите деца ќе растат вака.“
Во видеото се гледа како малиот Риан си игра во тревата и земјата, се релаксира додека ги набљудува животните, а околу него трчаат мачки и коњи. Целата атмосфера е исполнета со природа, спокој и семејна хармонија.
Подоцна, на инстаграм стори, таа дополнително ја отвори душата за животот што го избрале:
„Како дете кое пораснало на планина и во село, некогаш мислев дека сакам живот во голем град и постојана гужва. Но, ми требаа неколку години за да сфатам дека животот на село, опкружен со животни и природа, е вистински благослов.
Има свои предности и маани и воопшто не е едноставно, но за мене вреди. Знам дека со текот на времето ќе биде уште попредизвикувачки со сите детски обврски, но подготвена сум.
Не би го заменила ова за ниту едно друго место на светот. Селото денес е вистински луксуз.“
View this post on Instagram
