Режисерот и актер од Сан Франциско се враќа на големото платно на 91-годишна возраст како Мајк, поранешен шампион во родео. Филмoт е полн со емоции и трогателни моменти.
На 17 септември, новиот филм на Клинт Иствуд, сценарист и режисер, ќе пристигне во американските киносали и на HBO Max.
Љубовта кон филмот е доживотна приказна за Клинт Иствуд, кој со текот на годините изгради уникатна кариера, а сега, на 91 години, Клинт ќе ја изведе улогата на Мајк (главниот лик), поранешен каубој во потрага по откуп во „Cry macho“ (Плачи мачо).
Клинт не застана со работи и покрај пандемијата, која го забави светот на уметноста и воопшто на забавата, и не само што успеа да го заврши снимањето, туку и напорно работеше истовремено и на режија и на глума.
Приказната е преземена од истоимениот роман напишан во 1975 година од Н. Ричард Неш, кој доби позитивни, но и негативни критики за неговото дело. Станува збор за приказна за искупувањето, па затоа уште за време на снимањето филмот ги заинтригира филмските критичари. Дејствието е сместено во 1978 година и ја следи приказната на Мајк, постар човек кој ја чувствува тежината на своите години, но пред се тој е на големата дистанца од своето славно минато. За Мајк, поранешен шампион во родео и тренер за коњи, отсекогаш се зборувало дека е вистински мачо….И тоа е централната поента на филмот – што значи да се биде мачо? Колку се промени концептот на машкоста со текот на времето и на што се однесува зборот „мачо“ денес?
Слично како и во неговиот легендарен филм „Гран Торино“, и во овој случај Иствуд сака да ја претстави врската помеѓу една постара личност и еден млад човек, а речениците сконцентрирани во две минути во самиот филм, како што вели режисерот, се „учења што „дедото“ Клинт сака да им ги остави на оние што го гледаат неговиот филм“.
