Музичката ѕвезда Харис Џиновиќ неодамна се разведе од Мелина, со која има две деца – синот Кан и ќерката Џина.
Пејачот изјави дека извесно време биле отуѓени, но и дека неговата поранешна сопруга го изневерувала, а за време на разводот не се ни појавила на суд, туку испратила адвокат.
Српската пејачка Весна Ѓогани, од музичката група „Ѓогани“, сега се наврати на оваа тема и рече дека и претходно слушнала некои работи за Мелина и нејзините неверства, па дури и помислила сѐ да му каже на Харис.
„Јас сум во тимот кој навива за Харис Џиновиќ. Многу ми е жал за него бидејќи она што го направи Мелина е многу грдо. Тоа го знаеме од порано, од салонот каде што доаѓаше. Беше навистина ужасна, многу зборуваше за тоа што го прави. На сите им се фалеше што прави, бевме во шок. Беше навистина страшно, го коментирав со другарките и со сопругот. Сакав да му кажам на Харис, но Џоле не ми дозволи, ми рече да не се мешам“, изјави пејачката.
Таа, исто така, смета дека разликата во години не би требало да е проблем во врската на Харис и Мелина.
„Разликата во години не е проблем. Кога сакаш некого, тоа не треба да ти пречи. Со текот на времето заедно треба да растете и созревате“, истакна пејачката за „Блиц“.
