Гвен Стефани беше една од главните ѕвезди на настанот „People’s Choice Awards“, кој се одржа во неделата и на кој пејачката ја понесе титулата „модна икона“. Стефани носеше креација на Вера Вонг – фустан со боја на слонова коска со црна машна на грбот, потоа мрежести хулахопки и црни чизми над колена.
Но и покрај совршениот фустан креиран специјално за оваа прилика, вниманието го украде големиот дијамантски прстен што го носеше на раката и поради кој почнаа да се шират гласини дека пејачката се верила со својот избраник Блејк Фелтон. Гвен за медиумите открила за што станува збор.
„Тој ретко се појавува на вакви настани. Мислам дека досега само трипати заедно сме прошетале по црвениот тепих. Што се однесува до прстенот, дијамантски е, ама не е веренички“, открила Стефани.
