Фолк ѕвездата Цеца Ражњатовиќ проживеа вистинска драма кога извесен О.Л упаднал во нејзината куќа на Кипар. Откако кипарските власти го депортирале во Србија, тој продолжил да ја прогонува пејачката.
Штом слетал во Белград, тој отишол во црквениот дом кај храмот „Свети Сава“ и таму ја барал фолк ѕвездата, пишува Курир.
„Сè се случи сред бел ден, неочекувано. Беше непријатно и вознемирувачко. Непознат човек влезе во зградата и почна да вика дека Цеца му е жена, дека ја сака и барал да ја види. Обезбедувањето се обидело на убав начин да му објасни дека пејачката не е во зградата и го замолиле да не вика. Меѓутоа тој бил насилен и агресивен“, рекол изворот.
Цеца Ражнатовиќ овие случувања многу ја вознемириле.
„Да, слушнав што се случило и ни малку не ми е пријатно. Веста многу ме потресе. Се чувствувам загрозено, но верувам дека ситуацијата ќе се смири и дека човекот ќе сфати дека не е во ред тоа што го прави, рекла пејачката за Курир.рс.
