Тијана Дапчевиќ ја поддржа Милена Радуловиќ откако актерката го пријави поранешниот учител по глума Мирослав Алексиќ за силување.
Дапчевиќ е уште една од јавните личности која особено се вознемирени поради скандалот за кој деновиве зборува целиот Балкан. Како што вели, особено ѝ пречат негативните коментари во врска со Радуловиќ и останатите девојки кои го пријавиле Мирослав Алексиќ за силување и сексуално злоставување години подоцна.
Пејачката во долга објава на социјалната мрежа „Инстаграм“, се обиде да даде свој став за сето она што го читаме изминативе неколку дена во врска со случувањето.
„Зошто дури сега проговорила?! Не знам, можеби затоа што сè уште ве има такви кои постојано повторувате дека жртвите на силувачи и педофили самите го барале тоа, дека сигурно некако, провоцирале, дека биле виновни… и многу често имате потреба да оправдувате непростливи работи. Зошто?!“, се огласи Тијана.
„Ако молчела до сега, можела да молчи засекогаш. Како секогаш доаѓаме до заклучок дека треба да се молчи за сè? Како не ви е доста од молчење? За малите и големите работи, за таа планина која сте ја направиле под тепихот криејќи ги сите проблеми таму, за насилството и злоупотебата?“, продолжи Дапчевиќ.
„А можеби и не молчела, туку наишла на луѓе кои биле глуви на нејзините страдања, исто како и вие. „Сигурно го измислила сето тоа бидејќи ѝ пропадна кариерта, ѝ треба некоја улога“ – Па да, полесно е да се поверува дека некој ја измислил својата тага, отколку што, конечно, по толку време, собрал сили одново да преживее сè, објаснувајќи ги сите детали и одговарајќи на кој знае колку прашања при пријавата…“, продолжи пејчаката.
„Срам да ви е за секој коментар на оваа тема кој не е поддршка, туку ја замолчува жртвата. Молчењето не е злато. Никогаш не било. Сите тишини еден ден стануваат крик“, завшри таа.
Преземено од Слободен Печат.
