Алексис Шарки, 26-годишната инфлуенсерка пронајдена е мртва покрај патот во Хјустон, откако некои минувачи виделе дека во грмушките се гледаат женски нозе.
Девојката исчезнала еден ден по Денот на благодарноста, откако, како што изјавила нејзината мајка, се скарала со засега неидентификувано лице.
„Денот на благодарноста беше непорен ден и за неа и за нас, па само кратко се слушнавме преку пораки. А петок, искрено, петокот го испуштивме. Беше напорен ден, тој ден не зборувавме, а потоа во петокот вечерта таа исчезна. Оттогаш не сме ја виделе ни слушнале“, открила мајка ѝ пред да биде пронајдено нејзиното тело.
По пронаоѓање на телото мајката на Алексис изјавила дека е убедена дека станува збор за сомнителна смрт и дека тоа „никако не може да биде несреќен случај“.
Алексис се омажила во 2019 година и се преселила во Хјустон. Нејзиниот сопруг Том се простил од неа преку порака на социјалните мрежи.
„Никогаш не сум видел ни почувствувал таква убавина. Ти си мојот свет. Ми го направи животот неверојатен, му даде смисла на моето постоење. И ми покажа како треба да се сака“, напишал Том.
Алексис на телото немала видливи повреди, а во тек е истрага за нејзината смрт, пренесуваат американските медиуми.
