Џастин Бибер многу рано ја почувствувал убавината, но и товарот на славата, а во новиот докмунтарец открива како сакал да побегне од менталните проблеми со кои се борел, признавајќи дека постоело време во кое тој се чувствувал многу суицидно.
Својата потајна борба со самоубиствените мисли 26-годишниот пејач ја открил во новиот Јутјуб документарец – „Џастин Бибер: Следно поглавје“.
– Мислам дека постоеа моменти кога бев навистина, многу, многу суициден. Се прашував „Човече, дали некогаш оваа болка ќе престане?“. Беше така константно, болката беше толку постојана. Само можев да страдам, ништо друго. Подобро ќе ми беше да не чувствувам ништо отколку тоа, вели во докмунетарецот Бибер.
Поп ѕвездата вели дека можел многу да се поштеди и да ја намали болката доколку погласно говорел за своите проблеми и сака да ги поттикне другите луѓе да бидат поотворени во поглед на своето ментално здравје.
