Годинешното Евровизиско шоу ќе остане запаметено по добрата забава, уникатни песни и изведби, но и по бројните скандали. И самата победа на италијанскиот бенд „Måneskin“ беше засенета од бројните ексцеси во духот на рокенролот, но една сцена за време на вклучувањето во живо од арената „Ahoy“ додека траеше соопштувањето на гласовите, крена најмногу прашина…
Набргу беа повлечени обвинувањата против фронтменот на победничката група Дамиано Давид кој уште од самиот почетокот тврдеше дека станува збор за недоразбирање. Дамиано најпрво ги сподели резултатите од истрагата на својот инстаграм-профил.
Потоа сподели уште една среќна вест.
View this post on Instagram
– „Zitti E Buoni“ е на деветтото место на глобалната листа на „Spotify“. Ова е италијанска песна со најголем стриминг во историјата, вакво нешто досега не се случило. Како што ви рековме, рокенролот никогаш не умира – истакна пејачот во објава на својот инстграм-профил.
За потсетување, групата „Måneskin“ ја однесе победата во својата земја по повеќе од 30 години, а следниот натпревар за песна на Евровизија ќе се одржи во Италија.
