Војводата и војвотката од Сасекс, Хари и Меган, поднеле тужба во САД против неименуван фотограф што наводно се обидувал да го снима и да го фотографира нивниот 14-месечен син Арчи.
Тужбата е против фотограф што наводно без дозвола да го направи тоа, правел фотографии и снимки од Арчи, во периодот кога семејството престојувало во изолација поради коронавирусот во нивниот дом во Лос Анџелес, пишува Би-би-си.
Парот во тужбата напишал и дека со ваквиот начин на фотографирање, им се „одзема правото на приватност“.
– Секој поединец или семејство во Калифорнија има законски загарантирано право на приватност во својот дом. Ниту еден дрон, хеликоптер или телескопски објект не може да го одземе таквото загарантирано право – изјавил нивниот адвокат Мајкл Камп.
Адвокатот додал и дека Хари и Меган се одлучиле за тужба, поради тоа што сакаат на своето дете да му обезбедат мирен престој дома и да спречат поединци да профитираат од фотографиите направени на ваков начин.
