Мајката на славната пејачка почина во својот дом опкружена со семејството и пријателите.
Терез Дион, мајката на познатата пејачка Селин Дион, почина на 92-годишна возраст.
Точната причина за смртта не е позната за јавноста, но Клодет, постарата сестра на Селин, рекла дека минатата година нивната мајка се соочувала со тешки здравствени проблеми. Го губела помнењето, видот и слухот ѝ се оштетиле, пишува NY Post.
Терез Дион и нејзиниот сопруг, позади себе оставиле бројно потомство. Селин Дион, верувале или не, има уште 13 браќа и сестри.
„Мамо, многу те сакаме. Вечерашниот концерт ти го посветувам на тебе и ќе пејам со целото срце“, напишала на француски и англиски на својот инстаграм-профил пејачката вчера.
Терез Дион не била позната само поради тоа што била мајка на славната пејачка. Таа имала своја емисија за готвење на француската телевизија TVA до 2002 година.
Таа ја основала и фондацијата „Maman Dion“, која на почетокот на секоја училишна година овозможувала училишна опрема и облека за децата на кои им е потребна помош.
