Наградуваниот британски музичар Ед Ширан и неговата сопруга Чери Сиборн со која е уште од тинејџерските денови, го очекуваат првото дете.
Иако се поприлично таинствени и својата интима со години успешно ја кријат од љубопитната јавност, британските медиуми дошле до информацијата дека Ед и Чери наскоро ќе станат родители. Среќните вести за бременоста ги дознале уште на почетокот на карантинот, а сега само неколку недели ги делат од раѓањето на бебето.
„Ед и Чери се пресреќни и многу возбудени, но како што знаете сакаат да го држат тоа во својот круг на луѓе и во смејството. Карантинот добро им послужи како изговор да не излегуваат никаде, па ретко кој од пријателите знаел дека наскоро ќе станат родители, но како што се приближува терминот, им кажале на најблиските“, рекол извор близок на парот за Дејли мејл.
Идните родители учеле во исто средно училиште, а потоа пламнала љубовта која и до денес трае. Се венчаа во тајност пред две години. Чери, која игра хокеј на трева, отсекогаш била онаа вистинската за Ед, велат нивните пријатели.
Штом ја запознал, знаел дека со неа сака да го помине остатокот од животот. Токму нејзе ѝ ги посветил поголемиот дел од баладите, како и песната „Перфект“, за која Чери му била главна инспирација.
